बीड पोलिसांसाठी आता सुदर्शनक्रिया कार्यशाळा – हर्ष पोद्दार

          पोलीस कोव्हीड 19 सुरक्षा सेलचे प्रमुख म्हणून सपोनि योगेश खटकळ हे काम पाहत आहेत. कोरोनाच्या वाढत्या प्रादुर्भावाच्या पार्श्वभूमीवर या सेलच्या माध्यमातून पोलिसांसाठी विविध उपक्रम राबवले जातात. आणि आता याचाच एक भाग म्हणून जिल्ह्यातील पोलीस कर्मचारी व अधिकाऱ्यांसाठी प्रतिकारशक्ती वाढवण्याच्या दृष्टीने श्री. श्री. रविशंकर यांच्या आर्ट ऑफ लिव्हिंग संस्थेच्या च्या माध्यमातून झूम ऍप च्या साह्याने १६ जून ते २३ जून दरम्यान प्रत्येकी चार दिवसांच्या कोर्स मध्ये सकाळी ६ ते ८ व संध्याकाळी ६ ते ८ दरम्यान सदरील कार्यशाळेचे आयोजन करण्यात येणार आहे. सदरील कार्यशाळेसाठी सर्व पोलीस कर्मचाऱ्यांनी सहभाग नोंदवणे बंधनकारक असल्याचे पोलीस अधीक्षक हर्ष पोद्दार यांनी सूचित केले आहे.