केज दि.१४ – केज पासून तीन किमी अंतरावर असलेल्या शांताबाई तापडिया शाळेच्या नजीक कानडी रोडवर दि.१४ रोजी रात्री ९ च्या दरम्यान ट्रॅक्टर आणि मॅक्सिमो टेम्पो चा अपघात झाला असून यामध्ये दोघे गंभीर जखमी झाले आहेत.
सदरील अपघातात चंदू विलास मिसाळ (२७) व संतोष बाबासाहेब मिसाळ रा. कोल्हेवाडी ता.केज हे दोघे गंभीर जखमी झाल्याची माहिती मिळाली आहे. सदरील अपघात झाल्यानंतर १०८ चे डॉक्टर सचिन सूर्यवंशी व पायलट मकरंद घुले यांनी घटनास्थळी तात्काळ धाव घेत जखमींना उपजिल्हा रुग्णालयात दाखल केले आहे. चंदू मिसाळ यांच्या डोक्याला व संतोष मिसाळ यांच्या पायाला गंभीर दुखापत झाल्याचे सांगण्यात आले.
