केज दि.१८ – तालुक्यातील युसूफवडगाव येथील शिवाजी आबण सरवदे (३९) या इसमाने काल रात्री आपल्या राहत्या घरी गळफास लावून आत्महत्या केल्याची घटना घडली आहे.
ऊसतोड मजुर असणारा शिवाजी गेल्या काही वर्षांपासुन ऊसतोडणीला जाऊन आपल्या कुटुंबाचा उदरनिर्वाह करत होता.अतिशय शांत आणि मनमिळाऊ स्वभावाच्या शिवाजीने रात्री ९:३० वाजेच्या सुमारास घरातील इतर सदस्य बाहेर बसलेले असताना घरातील आडुला साडीने गळफास लावून आत्महत्या केली. दुपारी त्याच्यावर येथील स्मशानभूमीत अंत्यसंस्कार करण्यात आले. त्याच्या पश्चात पत्नी, दोन मुले आणि आई असा परिवार आहे.
