केज दि.१६ – (विनोद ढोबळे) तालुक्यातील विडा येथील आठवडी बाजार उरकून गावाकडे परतत असताना हरणाच्या कळपाला मोटारसायकल ची धडक बसून झालेल्या अपघातात एकजण गंभीर जखमी झाला आहे.
सदाशिव नामदेव आंधळे रा. नामेवाडी असे जखमीचे नाव आहे. आंधळे हे एम,एच 20 डीपी 7783 या मोटर सायकल वरून गावाकडे परतत असताना गावाच्या शेजारी असलेल्या शौर्य हॉटेल समोरून हरणाचा कळप रस्ता ओलांडत होता. यावेळी मोटारसायकल ची धडक हरणाला बसली व यात आंधळे हे गंभीर जखमी झाले असून त्यांना बीड येथील शासकीय रुग्णालयात उपचारासाठी दाखल करण्यात आले आहे. मागच्या पंधरा दिवसातील त्याठिकाणी झालेला हा तिसरा अपघात आहे.
