केज दि.२४ – तालुक्यातील युसुफ वडगाव येथील रहिवासी तथा येवता जिल्हा परिषद शाळेचे सहशिक्षक गुरुलिंग किशनराव गुळवे यांचा मोटारसायकल अपघातात मृत्यू झाल्याची घटना शनिवार दि.२३ रोजी घडली. मृत्यूसमयी त्यांचे वय ५० वर्षे होते. मात्र सदरील अपघाताचे कारण अद्याप स्पष्ट झालेले नाही.
गुरुलिंग गुळवे हे शनिवारी सायंकाळी प्रवास करत असताना सोनिजवळा ते केज दरम्यान त्यांच्या दुचाकींचा अपघात झाला. त्यात ते गंभीर जखमी झाले होते. त्यांना उपचारासाठी हलवण्यात आले परंतु मार जास्त असल्याने त्यांचा उपचारा दरम्यान मृत्यू झाला.केज उपजिल्हा रुग्णालयात शवविच्छेदन करण्यात येणार असून युसुफ वडगाव येथे अंत्यसंस्कार करण्यात येणार आहेत.
दरम्यान शनिवार हा अपघात वार ठरला असून लातूर अंबाजोगाई रोडवर मोठा अपघात होऊन आठ जणांचा मृत्यू तर केज बीड रोडवर झालेल्या अपघातात सिरसाट नामक शिक्षक गंभीर जखमी झाल्याची घटना घडली आहे.
