भारतात ग्रामीण भागाला जोडणाऱ्या पोस्ट खात्याकडून खात्याकडून १० पास मर्यादेवर काही जागा भरण्यासाठी जाहीरात प्रसिद्ध करण्यात आली आहे.यासाठी भारतीय पोस्ट खात्याने ग्रामीण डाक सेवक (जीडीएस) भरतीसाठी (India Post GDS Recruitment) अधिसूचना जारी केली आहे. ही भरती प्रक्रिया देशातील जवळजवळ सगळ्याच राज्यात होणार आहे.
देशातील 35 राज्यांत एकूण 38,926 रिक्त जागा भरण्यात येणार आहे. त्यासाठी इंडिया पोस्ट जीडीएस भरती 2022 अधिसूचना जारी केली आहे. तरी परीक्षा प्राधिकरणाची आवश्यक पूर्तता करणारे इच्छुक उमेदवार पोस्ट ऑफिस भरती 2022 साठी ऑनलाईन अर्ज करू शकतात. ऑनलाईन अर्ज 2 मे ते 5 जून 2022 या कालावधीत करता येणार आहे. शाखा पोस्टमास्टर (बीपीएम), सहायक शाखा पोस्टमास्तर (एबीपीएम) आणि डाक सेवक या पदांची भरती करण्यात येणार आहे. निवड समितीने तयार केलेल्या गुणवत्ता यादीवर ही भरती आधारित असेल.
यामध्ये शाखा पोस्टमास्टर (बीपीएम), सहाय्यक शाखा पोस्टमास्टर (एबीपीएम), डाक सेवक पदाच्या रिक्त जागा 38926 आहेत. तर अर्ज करण्याची तारीख – 2 मे ते 5 जून 2022 असणार आहे. यासाठी अर्ज शुल्क – 100 रूपये असून शैक्षणिक पात्रता – 10 वी उत्तीर्ण ठेवण्यात आली आहे. अर्ज करण्यासाठी indiapostgdsonline.gov.in या अधिकृत वेबसाइटला भेट द्या व मुख्यपृष्ठावरील ‘स्टेज 1 नोंदणी’ वर क्लिक करा आणि नोंदणी फॉर्म भरणे सुरू करा. दिल्या सर्व अनिवार्य फील्ड भरा आणि आवश्यक कागदपत्रे अपलोड करा आणि अर्ज फी भरा. तसेच इंडिया पोस्ट GDS भर्ती 2022 अर्ज सबमिट करा.आणि भविष्यातील संदर्भासाठी अर्जाची प्रिंटआउट घ्या.
उमेदवारांकडे कोणत्याही मान्यताप्राप्त मंडळाद्वारे आयोजित गणित आणि इंग्रजी (अनिवार्य किंवा वैकल्पिक विषय म्हणून अभ्यास केलेले) 10 वी उत्तीर्ण झालेले माध्यमिक शाळा परीक्षा उत्तीर्ण प्रमाणपत्र असणे आवश्यक आहे. यासाठी किमान वय: 18 वर्षे तर कमाल वय : 40 वर्षे (विविध श्रेणींसाठी उच्च वयोमर्यादा शिथिल आहे.) 12,000 रूपये, 10 हजार रूपये वेतनश्रेणी आहे. उमेदवारांच्या गुणवत्तेचे स्थान आणि सबमिट केलेल्या पदांच्या पसंतीच्या आधारावर गुणवत्ता यादीच्या आधारे उमेदवारांना शॉर्टलिस्ट केले जाईल. हे नियमांनुसार सर्व पात्रता निकषांच्या पूर्ततेच्या अधीन असेल.
