पूजा चव्हाण प्रकरण : 15 वर्षीय मुलीचे राजकारणी व माध्यमांच्या डोळ्यात झणझणीत अंजन…….!

             पूजा चव्हाण चा मृत्यू होऊन 15 दिवस उलटून गेले आहेत. तेंव्हापासून आमच्या मुलीच्या मृत्यूचे राजकारण सुरू आहे. राजकारणासाठी तिच्या मृत्यूचे भांडवल करण्यात येत आहे. तिचे वैयक्तिक फोटो माध्यमातून दाखवण्यात येत आहेत. हा अधिकार कुणी दिला ? असा जळजळीत सवाल पूजा चव्हाण च्या बहिणीने व्यक्त केला. तर आई वडिलांनाही पोलीस तपासात जे निष्पन्न व्हायचे ते होईल, त्यांना त्यांचे काम करू द्या, मात्र आमची बदनामी थांबवा अशी आर्त विनवणी केली.

        दरम्यान माझी बहिण वाघीण होती ती आत्महत्या करूच शकत नाही या गोष्टीवर आताही मी ठाम असून चौकशी झालीच पाहिजे. मात्र बदनामी थांबवा अन्यथा मलाही आत्महत्या करावी लागेल अशी भावनिक साद घातली.