केज दि.५ – केज पासून कांही अंतरावर असणाऱ्या कुंबेफळ जवळ मोटारसायकल आणि एका चारचाकी वाहनाचा अपघात रविवारी दि.५ जून रोजी दुपारी झाला असून मोटारसायकलस्वार गंभीर जखमी झाला आहे.
तालुक्यातील माळेगाव येथील भाऊसाहेब चिरके असे जखमीचे नाव असून त्यांच्या मोटारसायकलचा आणि एका (छोटा हत्ती) चारचाकी वाहनाचा अपघात झाला आहे. सदर अपघाताची माहिती मिळताच १०८ चे पायलट अर्जुन बारगजे यांनी तात्काळ उपजिल्हा रुग्णालयात दाखल केले.परंतु पुढील उपचारासाठी चिरके यांना अंबाजोगाई ला हलवण्यात आले आहे. सदर घटना कशी घडली हे अद्याप स्पष्ट झाले नसून केज अंबाजोगाई रोडवर सातत्याने होणाऱ्या अपघातांमुळे वाहनधारक धास्तावले आहेत.
