केज दि.२० – तालुक्यातील साळेगाव येथे बस स्टँडवरील महामार्गाच्या दुभाजकाला धडकुन झालेल्या अपघातात मोटार सायकलस्वार गंभीर जखमी झाला.
साळेगाव ता. केज येथे दि. २१ जून सोमवार रोजी दुपारी ३.३० वा. च्या दरम्यान महादेव भागवत काळे वय (३७ वर्ष) रा. तांदुळवाडी ता. धारूर हा मोटार सायकलवरून भरधाव वेगाने कळंब कडून केजकडे जात होता. त्या वेळी महादेव काळे याची मोटारसायकल दुभाजकाला धडकली. यात महादेव भागवत काळे यांच्या डाव्या पायाला गुडघ्या जवळ गंभीर जखम झाली आहे. अपघात घडताच तेथे उपस्थित असलेले दत्तात्रय इंगळे, जय जोगदंड यांनी रुग्णवाहिकेस संपर्क साधला आणि जखमीस रुग्णवाहिका पायलट अर्जुन बारगजे, डॉ. सचिन सूर्यवंशी यांच्या मदतीने उपजिल्हा रुग्णालय केज येथे प्रथमोपचार करण्यासाठी दाखल केले.
