केज दि.२९ – येथील पत्रकार सुंदर नाईकवाडे यांची कन्या पोलीस उपनिरीक्षक स्वरूपा नाईकवाडे हिचा केज पोलीस ठाण्यात सहाय्यक पोलीस निरीक्षक शंकर वाघमोडे आणि सर्व स्टाफ यांनी सत्कार केला.
केज येथील पत्रकार तथा माजी सैनिक सुंदर नाईकवाडे व सहशिक्षिका संगिता नवले-नाईकवाडे यांची कन्या नूतन पोलीस उपनिरीक्षक स्वरूपा नाईकवाडे यांचा केज पोलीस ठाण्यात सहाय्यक पोलीस निरीक्षक शंकर वाघमोडे आणि पोलीस उपनिरीक्षक वैभव सारंग यांच्या उपस्थितीत सत्कार करण्यात आला. पोलीस उपनिरीक्षक स्वरूपा नाईकवाडे या गोळा फेक मध्ये राष्ट्रीय स्तरावरील सुवर्ण पदक विजेती आहेत. त्यांना परिविक्षाधीन कालावधी मध्ये नांदेड परीक्षेत्रात नियुक्ती मिळाली आहे.
यावेळी पत्रकार सुंदर नाईकवाडे, महिला पोलीस जमादार श्रीमती निरडे, रुक्मिण पाचपिंडे, महिला पोलीस सुर्वे, महिला पोलिस धायगुडे, महिला पोलीस भालेराव पत्रकार गौतम बचुटे, पत्रकार महादेव गायकवाड, भास्कर मस्के, मतीन शेख, बप्पा कुलकर्णी, नितीन मेटे हे उपस्थित होते.
