केज दि.१५ – नीटची परीक्षा देण्यासाठी नगरकडे जात असलेल्या विद्यार्थी व पालकांच्या जीपला केज तालुक्यातील होळ जवळ अपघात झाला असून त्यामध्ये पाचजण जखमी झाले आहेत.
पाथर्डी येथील सुरेश सिरसाट (50), विनोद सिरसाट (42), सौरभ सिरसाट (19),सुजित सिरसाट व अन्य एकजण शुक्रवारी नगरकडे बोलेरो गाडीतून चालले होते. परंतु त्यांची गाडी केजच्या दिशेने होळ च्यापुढे आली असता बोलेरो रस्त्याच्या कडेला असलेल्या खड्ड्यात जाऊन पलटी झाली. यामध्ये एकूण पाचजण जखमी झाले असून गाडीचेही मोठे नुकसान झाले आहे.
सदर अपघात घडल्यानंतर 108 रुग्णवाहिका तात्काळ दाखल झाली व इतरांच्या मदतीने 108 चे पायलट मकरंद घुले यांनी जखमींना अंबाजोगाई च्या रुग्णालयात उपचारासाठी दाखल केले आहे. सदरील अपघाताचे कारण अद्याप स्पष्ट झालेले नाही.
