केज दि.१८ – एका मोटार सायकलला भरधाव वेगाने येणाऱ्या एका स्कॉर्पिओ गाडीने पाठीमागून जोराची धडक दिली, यात मोटरसायकलस्वार जखमी झाला.
अधिक माहिती अशी की, दि. १८ जुलै सोमवार रोजी दुपारी १.३० वा. च्या सुमारास बाळासाहेब उर्फ लिंबाजी पांडुरंग मेटे रा. राजेगाव हे केज-कळंब रोडने केजकडे मोटार सायकल क्र. (एम एच-१४/ जे एफ-६४१५) वरून येत होते. रस्त्यावरील संतोष पॅलेस हॉटेल जवळ एका अज्ञात पांढऱ्या रंगाच्या स्कॉर्पिओ गाडीने त्यांना पाठीमागून जोराची धडक दिली. यात मोटार सायकलस्वार बाळासाहेब उर्फ लिंबाजी पांडुरंग मेटे वय (५५ वर्ष) रा. राजेगाव हे जखमी झाले. त्यांच्या पायाला गंभीर स्वरूपाचा मार लागलेला आहे. त्यांच्यावर उपजिल्हा रुग्णालय केज येथे उपचार करण्यात आले असून अज्ञात वाहन अपघात स्थळावरून बेपत्ता झाले असून केज पोलीस तपास करीत आहेत.
