केज शहरातील क्रांती नगर भागातील सुरेखा श्रीराम दांगट ही महिला २९ सप्टेंबर रोजी सकाळी ११ वाजेच्या सुमारास नातेवाईक सुनिता मधुकर मोरे, द्वारका बाबुराव मोरे यांच्यासह धारूर तालुक्यातील अंबाचौंडी देवीचे दर्शन घेण्यासाठी निघाल्या होत्या. केज शहरातील बसस्थानकातून धारूरकडे जाणाऱ्या बसमध्ये चढत असताना गर्दीचा फायदा घेत अज्ञात चोरट्याने सुरेखा दांगट यांच्या गळ्यातील ६५ हजार रुपये किंमतीचे १६ ग्रॅमचे सोन्याचे मिनीगंठण तोडून घेत पोबारा केला. त्यानंतर अनोळखी चोरट्यांचा बसस्थानक परिसरात शोध घेण्याचा प्रयत्न केला. मात्र मिळून न आल्याने त्या घराकडे निघून गेल्या. ३० सप्टेंबर रोजी सुरेखा दांगट यांनी दिलेल्या फिर्यादीवरून अज्ञात चोरट्याविरुद्ध केज पोलिसात गुन्हा दाखल झाला असून पुढील तपास जमादार श्रीकांत चौधरी हे पुढील तपास करत आहेत.
