केज दि.२८ – तालुक्यातील व्यंकटेश विद्यालयाने तालुका स्पर्धेतून यश संपादन करून जिल्हा क्रीडा स्पर्धेसाठी विद्यार्थ्यांची निवड झाली व ही जिल्हा क्रीडा स्पर्धा दि.26 व 27- 11-2022 वार रविवार रोजी सैनिकी विद्यालय बीड येथे मैदानावर घेण्यात आली. यामध्ये व्यंकटेश मा. विद्यालय लाडेवडगाव ची विद्यार्थिनी कु. शेप रुपाली अशोक 1500 मी . धावणे या क्रीडा प्रकारामध्ये जिल्ह्यातून प्रथम, तसेच 100 मी. धावणे या मध्ये द्वितीय क्रमांक ने विजयी झाली.तर कु. मुंडे ऋतुजा राजेंद्र लांब उडी क्रीडा प्रकारांमध्ये जिल्ह्यातून तृतीय व कु.लाड काजल दत्तात्रय 600 मी . धावणे या क्रीडा प्रकारामध्ये तृतीय क्रमांकाने विजयी झाली.
त्याबद्दल संस्थेचे सचिव पंढरी शेप, शाळेचे मुख्याध्यापक अरुण शेप ,श्री. लाड सर, सर्व शिक्षक व शिक्षकेत्तर कर्मचारी यांनी कौतुक केले व पुढे होणाऱ्या विभागीय स्पर्धेसाठी शुभेच्छा दिल्या.
