केज दि.1 – तालुक्यातील कानडी माळी येथील रहिवासी तथा वसंत कनिष्ठ महाविद्यालयाचे प्राध्यापक पांडुरंग राऊत यांचे चिरंजीव सुदर्शन राऊत याची एमबीबीएस अभ्यासक्रमासाठी निवड झाली आहे.
सुदर्शन राऊत याची शालेय शिक्षणापासूनच डॉक्टर होण्याची इच्छा असल्याने त्याने त्या दृष्टीने अभ्यासाला सुरुवात केली होती. त्यामुळे त्याला अपेक्षित यश प्राप्त झाले असून त्याची वेदांता हॉस्पिटल व रिसर्च सेंटर डहाणू येथे एमबीबीएस साठी निवड झाली आहे.
त्याच्या या यशाबद्दल सर्व स्तरातून कौतुक होत असून ठिकठिकाणी त्याचे अभिनंदन होत आहे.
