केज दि.४ – जागतिक दिव्यांग दिनाचे औचित्य साधून जिल्हा समाज कल्याण कार्यालय बीड व परिवर्तन सेवाभावी संस्था नेकनूर यांच्या संयुक्त विद्यमाने दिनांक १ व २ डिसेंबर २०२२ रोजी विज्ञान स्पर्धा व चित्र वाचन स्पर्धेचे आयोजन करण्यात आले होते. यामध्ये जनार्थ शिक्षण प्रसारक मंडळ संचलित, मूकबधिर निवासी विद्यालय उमरी (ता. केज) येथील सय्यद मुबारक अकबर व शिंदे पंकज दत्ता या विद्यार्थ्यांनी सर्व दिव्यांग शाळा प्रवर्गातून विज्ञान प्रदर्शन स्पर्धेतून जिल्ह्यातून प्रथम क्रमांक मिळविला आहे.त्यांना अडीच हजार रुपये रक्कम जाहीर झाली असून सन्मानचिन्ह व प्रमाणपत्र असे या पारितोषिकाचे स्वरूप आहे.
तसेच वाचा व चित्र वाचन स्पर्धेत संपूर्ण जिल्ह्यातून सर्व दिव्यांग प्रवर्गातून सय्यद मुबारक अकबर या विद्यार्थ्याने द्वितीय क्रमांकाचे पारितोषिक मिळविले असून त्याला दीड हजार रोख, सन्मानचिन्ह व प्रमाणपत्र असे बक्षीस मिळाले आहे.
दरम्यान शाळेतील शिंदे बापू (विशेष शिक्षक) श्री. शिंदे, वाचातज्ञ नितीन शिंदे, कला शिक्षिका आशा हिंगे यांनी विशेष मेहनत घेतली. तर शाळेच्या मुख्याध्यापिका द्रौपदी सूर्यवंशी व शाळेतील स्टाफचे मार्गदर्शन लाभले.
