चित्रपट अभिनेते बीग बी अमिताभ बच्चन देशातील हैदराबाद येथे शूटिंग करताना जखमी झाले आहेत. त्यांनी स्वतःच आपल्या ब्लॉगवर याची माहिती दिली आहे. ते सध्या मुंबईतील आपल्या घरी आराम करत आहेत. ‘प्रोजेक्ट के’ या चित्रपटाचे चित्रीकरण करताना अमिताभ जखमी झाले आहेत.
अमिताभ बच्चन हे साऊथचा अभिनेता प्रभासच्या ‘प्रोजेक्ट K’ या चित्रपटाचे शूटिंग करत करताना जखमी झाले. त्यात एक अ‍ॅक्शन सीन करताना त्यांच्या बरगड्यांना इजा झाली आहे. हैदराबादमधील उपचारानंतर त्यांना मुंबईला पाठवण्यात आले आहे. बरगडीच्या पिंजऱ्यातील स्नायू फाटले आहेत त्यामुळे आता या चित्रपटाचे शूटिंग रद्द करण्यात आले आहे. त्यांना पट्टी बांधली असून, उपचार सुरू आहेत.त्यांना श्वास घेण्यासही त्रास होत आहे. ते बरे होईपर्यंत सर्व कामे थांबवण्यात आली आहेत.
दरम्यान, त्यांच्या कुली चित्रपटाच्या शूटिंग दरम्यान त्यांना मोठी दुखापत झाली होती.तेंव्हा जगभरातुन ते बरे होण्यासाठी प्रार्थना केली जात होती.आणि आताही त्यांना इजा झाल्याने त्यांचे चाहते काळजीत आहेत.
