केज दि.१७ – पुण्याहून अहमदपूर कडे लग्नाला चाललेल्या कुटुंबाचा अहमदपूर लोखंडी सावरगाव चौकात अपघात झाला असून त्यात दोघे गंभीर तर अन्य चौघे किरकोळ जखमी झाले आहेत.
अहमदपूर येथील आनंद भिंगेवाड (५३), अरुणा भिंगेवाड (४०), कौशा भिंगेवाड (३०), शाहू उल्लेवाड (१२), आदित्य उल्लेवाड आणि मीराबाई भिंगेवाड हे ब्रीझा गाडीने (MH12 -5999) पुण्याहून अहमदपूर कडे लग्नाला निघाले होते.
दरम्यान, त्यांची दि.१७ रोजी पहाटे चार च्या दरम्यान गाडी लोखंडी सावरगाव येथील चौकात आली असता पलटी झाली. त्यात कौशा भिंगेवाड व मीराबाई भिंगेवाड हे गंभीर जखमी झाले असून अन्य चौघे किरकोळ जखमी झाले आहेत. सदरील अपघाताची माहिती मिळताच 108 चे डॉ.सचिन कस्तुरे व पायलट मकरंद घुले यांनी तात्काळ घटनास्थळी धाव घेत जखमींना अंबाजोगाई येथे उपचारासाठी दाखल केले आहे.
