केज दि.१९ – बुधवारी सायंकाळी सातच्या दरम्यान शहरातील छत्रपती शिवाजी महाराज चौकात अचानक एक रिक्षा पलटी झाला. मात्र सदरील रिक्षा सुमारे पाच मिनिटे बंद न झाल्याने व धुराचे लोळ उठल्याने एकच गडबड गोंधळ सुरू झाला.
बरेचजण रिक्षा बंद करण्याचा प्रयत्न करत होते.तर कित्येकजण अवाक होऊन बघत होते. ट्रॅफिक वेगळ्या बाजूने वळवण्यात आली. तर रिक्षा लवकर बंद होत नसल्याने प्रचंड धूर आणि आवाज सुरू होता. आता पुढे काय होणार याची बघ्याना मोठी उत्सुकता लागली होती. मात्र सुदैवाने कांही दुर्घटना होण्या अगोदर रिक्षा बंद करण्यास यश मिळाले आणि रिक्षा बाजूला घेतला अन बघेही पांगले. मात्र पाच मिनिटांचा हा थरार अनेकांनी अनुभवला.
