केज दि.१० – तालुक्यातील मस्साजोग येथून एका १७ वर्षाच्या मुलाचे अपहरण करण्यात आल्याची घटना समोर आलेली आहे. 17 years old boy kidnapped by unknown person…. police in action mode
दि. २ ऑगस्ट रोजी सायंकाळी ५ वाजेच्या दरम्यान विकास लिंबाजी रोडे यांचा मुलगा सुमित विकास रोडे (वय १७) हा त्याच्या वडिलांच्या मोबाईलचे चार्जर बदलून आणण्यासाठी ६०० रुपये घेऊन मस्साजोग येथून केजला गेला होता. तो सायंकाळी ७.३० वाजेपर्यंत घरी आला नाही म्हणून त्याचा सर्वांनी शोध घेतला. त्यानंतर दि. ३ ऑगस्ट रोजी कुटुंबीय आणि नातेवाईक यांच्या मदतीने त्याचा नांदेड, परभणी उस्मानाबाद, अंबाजोगाई येथे शोध घेतला; मात्र तो मिळुन आला नाही.
दरम्यान, दि.८ ऑगस्ट रोजी विकास रोडे यांच्या तक्रारी नुसार केज पोलीस ठाण्यात त्यांचा मुलगा सुमित रोडे याचे अज्ञात व्यक्तीने अज्ञात कारणासाठी अपहरण केले म्हणून गु.र.नं. ४७५/२०२३ भा.दं.वि. ३६३ नुसार गुन्हा दाखल करण्यात आला आहे.
