आंबेजोगाई दि.१० – तालुक्यातील लोखंडी सावरगाव ते कारखाना दरम्यान पिकप आणि मोटरसायकलचा भीषण अपघात झाला असून यामध्ये एकाचा जागीच मृत्यू झाला असून अन्य एकजण गंभीर जखमी आहे.
लोखंडी सावरगाव च्या पुढे असलेल्या चौकातून लातूरकडे जाणाऱ्या रोडवर आंबेजोगाई कारखान्याच्या आणि स्त्री रुग्णालयाच्या दरम्यान रविवारी रात्री पिकअप आणि मोटरसायकलचा भीषण अपघात झाला. यामध्ये एकाचा जागीच मृत्यू झाला असून एक जण गंभीर असल्याची माहिती समोर आलेली आहे.
सदरील घटनेची माहिती मिळताच लोखंडी सावरगाव येथे कर्तव्यावर असणारे 108 चे पायलट मकरंद घुले आणि डॉ. सचिन कस्तुरे यांनी तात्काळ घटनास्थळी धाव घेत जखमींना आंबेजोगाई येथील रुग्णालयामध्ये उपचारार्थ दाखल केले आहे. सदरील अपघात हा नेमका कसा घडला याची माहिती समोर आलेली नसून जखमी व मृत्यू झालेल्या व्यक्तींची ही ओळख अद्याप पटलेली नाही मात्र दुचाकीवरील दोघे भावठाणा येथील असल्याचे सांगण्यात येत आहे.
