केज दि.१८ – शहरातील धारूर रोडवर तिहेरी अपघातात एक जण गंभीर जखमी झाला असून यामध्ये वाहनांचेही मोठ्या प्रमाणावर नुकसान झाले आहे.
भवानी मंदिराच्या बाजूला धारूर रोडवर मॅक्सिमो टेम्पोने शिक्षण विस्तार अधिकारी दत्ता चाटे यांच्या उभ्या असलेल्या ब्रीजा गाडीला ओव्हरटेक करण्याच्या नादात त्याच बाजूने भवानी चौकाकडे जात असलेल्या एका दुचाकी स्वाराला पाठीमागून धडक दिल्याने यामध्ये दुचाकी वरील रघुनाथ मारुती खुणे हे जखमी झाले आहेत. तर याचवेळी एका उसाच्या ट्रक ने ब्रिझ्झा गाडीला पाठीमागून धडक दिली. त्यात गाडीचे मोठे नुकसान झाले आहे.
सदरील अपघात बुधवारी सकाळी केज धारूर रोडवर झाला असून रघुनाथ खुणे यांना आंबेजोगाईच्या रुग्णालयामध्ये उपचारार्थ दाखल करण्यात आले आहे.
