बीड दि.२१ – जिल्हा परिषदेच्या प्राथमिक व माध्यमिक शिक्षण विभागाने दि.२५ ते २८ डिसेंबर पर्यंत क्रिसमस नाताळची सुट्टी जाहिर केली आहे.या संदर्भात शिक्षण विभागाने आज या बाबतचे पत्र काढले असुन दि. २५ ते २८ डिसेंबर या कालावधीत मराठी, उर्दू माध्यमाच्या शाळांना ही सुट्टी जाहिर करण्यात आली आहे.
बीड जिल्हा परिषदेचे माध्यमिक व प्राथमिक शिक्षणाधिका-यांनी सुट्ट्या संदर्भात आदेश काढले आहेत. त्यामध्ये म्हंटले आहे की, बीड जिल्हा परिषदे अंतर्गत सर्व शाळांना दिवाळी सुट्टया कमी दिल्या असल्यामुळे त्याचबरोबर विविध संघटनांच्या निवेदनाच्या अनुषंगाने दि. २५ ते २८ डिसेंबर २०२३ या कालावधीत नाताळ सुट्टया जाहिर करण्यात आल्या आहेत.
