बीड दि. २१ – पोलीस अधीक्षक अविनाश बारगळ यांनी मोटार सायकल चोरीचे जास्तीत जास्त गुन्हे उघडकीस आणण्यासाठी स्थानिक गुन्हे शाखेला आदेश दिलेले आहेत. त्यावरून पोलीस निरीक्षक, स्था.गु.शा.बीड यांनी मोटार सायकल चोरी करणारे आरोपींची माहिती काढुन गुन्हे उघडकीस आणण्यासाठी अधिपत्याखालील अधिकारी यांना योग्य मार्गदर्शन करून आदेश दिलेले आहेत.
त्या अनुषंगाने पो.स्टे.पेठ बीड गुरनं 183/2024 क.303(2) BNS या गुन्हयातील बुलेट चोरीचा तपास करीत असतांना दिनांक 19/10/2024 रोजी पोलीस पोउपनि सिध्देश्वर मुरकूटे यांना सदर बुलेट समर्थ विनोद काळे रा.चंदन आरकेड छ.संभाजीनगर याने चोरल्याची गोपनिय माहिती मिळाली. त्यानुसार तेव्हा तात्काळ पोलीस निरीक्षक उस्मान शेख स्था.गु.शा.यांचे मार्गदर्शनाखाली तपास पथकाने समर्थ विनोद काळे वय 23 रा. चंदन आरकेड छ.संभाजीनगर यास ताब्यात घेवुन त्याचेकडुन गुन्हयात चोरीस गेलेली मोटार सायकल जप्त करण्यात आली आहे. तसेच त्याचेजवळ आणखीन एक मोटार सायकल मिळुन आली. सदर मो.सा. पो.स्टे.शिवाजीनगर (मुंबई शहर) गुरनं 324/2022 कलम 379 भादंवि मधील चोरीची असल्याचे तपासात निष्पन्न झाले आहे.
आरोपीकडुन आणखीन गुन्हे उघडकीस येण्याची शक्यता असुन आरोपी व दोन मोटार सायकल असा एकुण 1,40,000/- चा मुद्देमाल जप्त केले आहे.आरोपीस पो.स्टे. पे बीड यांचे ताब्यात देण्यात आलेले असुन पुढील तपास पो.स्टे.पेठ बीड करीत आहेत.
सदरील कामगिरी अविनाश बारगळ पोलीस अधीक्षक,बीड, सचिन पांडकर अपर पोलीस अधीक्षक बीड, उस्मान शेख पोलीस निरीक्षक स्था.गु.शा.बीड यांचे मार्गदर्शनाखाली पोउपनि सिध्देश्वर मुरकूटे, सफौ/तुळशीराम जगताप, पोह/मनोज वाघ, कैलास ठोंबरे, राहुल शिंदे, विकास वाघमारे यांनी केली आहे.
