लातूर दि.५ – येथील मातोश्री वृद्धाश्रमातील जेष्ठ वृद्धांसाठी एक आगळी वेगळी दिवाळी साजरी करण्यात आली वृद्धाश्रमातील 50 ते 60 वृध्द महिलांना साड्या व इतर सर्वांसाठी दिवाळीचा फराळ तसेच सुगंधी उटणे, सुगंधी तेल, साबन, कंगवा, बॉडी लोशन, झंडू बाम असे एक खास दिवाळीसाठी उपयुक्त किट बनवून त्यांचे वाटप करण्यात आले.
या वेळी लक्ष्मीकांत माळवदकर, आत्माराम गित्ते, अश्विनी बालाजी गर्जे, वैष्णवी गणेश सोनकर यांच्यासह
कनकधारा चॅरीटेबल ट्रस्ट चे सचिव प्रशांत सोनकर उपस्थित होते. “मातोश्री वृद्धाश्रमातील सर्व आजी आजोबांसाठी काही ना काही करण्याची कायम इच्छा असते. दिवाळी सण व भाऊबीज सणाचे औचित्य साधून ट्रस्ट च्या वतीने दरवर्षी अशा विविध प्रकारच्या कार्यक्रमाने ती इच्छा पूर्ण झाली. यावेळी आजी आजोबांनी भरभरून प्रेम आणि आशीर्वाद दिले. तर यामुळे आमचा आनंद द्विगुणीत झाला व एक चांगली उर्जा मिळाली, असे कनकधारा चॅरीटेबलं ट्रस्ट च्या अध्यक्षा प्रिती प्रशांत सोनकर यांनी व्यक्त केले.
