केज दि.९ – बस स्थानकामध्ये आणखी एका अनोळखी पुरुषाचा मृतदेह आढळून आल्याने खळबळ उडाली आहे. मागच्या तीन महिन्यांमध्ये केज शहरात असे बेवारस मृतदेह आढळून येण्याची तिसरी घटना आहे.
मागच्या दोन महिन्यांपूर्वी केज बस स्थानकासमोरच राज्य रस्त्यावर एका विकलांग व्यक्तीचा मृतदेह बेवारस अवस्थेत आढळून आला होता. तर पुन्हा एका महिन्याच्या आत तहसील समोर असलेल्या प्रवासी निवाऱ्यामध्ये असाच एक मृतदेह आढळून आला होता. आणि आता दिनांक 9 नोव्हेंबर रोजी पुन्हा एक बस स्थानकात मृतदेह आढळून आल्याने आश्चर्य व्यक्त होत आहे. सदरील मृत इसम हा कोण आणि कुठला आहे ? याची अद्याप ओळख पटलेली नसून सदरील मृतदेह केजच्या उपजिल्हा रुग्णालयामध्ये हलवण्यात आला आहे.
दरम्यान, त्या व्यक्तीबद्दल कुणाला काही माहिती असेल तर केज पोलिसांशी 916820 3198 या नंबरवर तात्काळ संपर्क करण्याचे आवाहन केज पोलिसांच्या वतीने करण्यात आले आहे.
सदरील इसमाचे वर्णन
उंची_ 5 फुट
रंग _ काळा, अंगात पांढर्‍या रंगाचा शर्ट, उजव्या हातात भगव्या रंगाचा दोरा असे आहे.
