केज दि.१९ – महाराष्ट्र नवनिर्माण सेनेचे अध्यक्ष राज ठाकरे यांच्याकडे विकासाची ब्लू प्रिंट तयार आहे. त्यांच्याकडे महाराष्ट्राचा विकास नेमका कसा करायचा याची दृष्टी आहे. आणि म्हणूनच राज ठाकरे यांच्या स्वप्नातील महाराष्ट्र घडवण्यासाठी मला विधानसभेत जाण्याची संधी द्या असे आवाहन केज विधानसभा मतदारसंघाचे मनसेचे उमेदवार रमेश गालफाडे यांनी केले आहे.
रमेश गालफाडे हे मनसे कडून केज विधानसभा लढवत आहेत. मनसेचे अध्यक्ष राज ठाकरे हे वारंवार ”माझ्या हातात एकदा महाराष्ट्र देऊन बघा, मग तुम्हाला विकास काय असतो हे कळेल” असे सांगत असतात. राज ठाकरे यांच्याकडे महाराष्ट्रातील कोणत्या क्षेत्रामध्ये विकासावर जोर द्यायचा याचा रोड मॅप तयार आहे. राज ठाकरे यांच्या स्वप्नातील महाराष्ट्र हा सुजलाम सुफलाम असणार आहे. आणि म्हणून राज ठाकरे यांचे स्वप्न साकार करण्यासाठी मला विधानसभेत जाण्याची संधी मतदारांनी द्यावी अशी साद मनसेचे उमेदवार रमेश गालफाडे यांनी घातली आहे.
