केज दि.२७ – तालुक्यातील चिंचोली माळी पासून जवळच असलेल्या श्रीकृष्ण मंदिराजवळ बाभळीच्या झाडाला दुचाकी धडकून एक इसम गंभीर जखमी झाला आहे.सदरील अपघात बुधवारी सायंकाळी घडला.
कळंब रोडवरील चिंचोली फाटा ते चिंचोली माळी दरम्यान श्रीकृष्ण मंदिर आहे. त्या ठिकाणी तालुक्यातील नाव्होली येथील रहिवासी सुदाम गोविंद बिक्कड (७०) हे दिव्यांग व्यक्ती दुचाकी झाडावर धडकल्याने गंभीर जखमी झाले आहेत. त्यांच्या डोक्याला गंभीर दुखापत झाली असून त्यांच्यावर केजच्या उपजिल्हा रुग्णालयात प्राथमिक उपचार करून पुढील उपचारासाठी अंबाजोगाई येथे पाठवण्यात आले आहे.
सदरील अपघाताची माहिती मिळताच १०८ चे कर्तव्यावर असणार डॉक्टर सचिन सूर्यवंशी व पायलट उमेश हंगे यांनी तात्काळ घटनास्थळी धाव घेत रुग्णालयात दाखल केले.
