केज दि.२४ – शहरातील वि.दा. कराड शाळेवर शिक्षक म्हणून कार्यरत असणारे बुरंडवाडी येथील रहिवासी पंडितराव भोसले यांचा मृतदेह विडा ते पिंपळगाव दरम्यान असलेल्या कल्याण वाडी फाट्यावर आढळून आला असून त्यांचा मृत्यू नेमका कसा झाला ? हे मात्र अद्याप स्पष्ट झालेले नाही
बुरंडवाडी येथील रहिवाशी पंडितराव भोसले हे केज शहरातील वि.दा. कराड शाळेवर शिक्षक म्हणून कार्यरत होते. तसेच अध्यात्मिक क्षेत्रातही त्यांचा सहभाग असायचा. शुक्रवारी सकाळी त्यांचा मृतदेह कल्याणवाडी फाट्यावर आढळून आल्यानंतर प्राथमिक आरोग्य केंद्रात शवविच्छेदनासाठी पाठवण्यात आला असून पोलीस पुढील तपास करत आहेत.
भोसले यांच्या चेहऱ्यावर व डोक्याला जखमा आढळून आल्याचे सांगण्यात येत असून सदरील मृत्यू एखाद्या अज्ञात वाहनाच्या धडकेत झाला ? की अन्य कोणत्या कारणामुळे हे पोलीस तपासात निष्पन्न होईल. दुपारी दोन वाजता बुरंडवाडी येथे त्यांच्यावर अंत्यसंस्कार करण्यात येणार आहेत.
