मी पुन्हा गाईन, मी पुन्हा गाईन म्हणत ही गायिका थांबण्याचे नावंच घेत नाही……..! कानाचे पडदे फाटण्याची भीती वाटते……!

मुंबई | माजी मुख्यमंत्री देवेंद्र फडणवीस यांच्या पत्नी अमृता फडणवीस यांचं एक नवं गाणं रसिकांच्या भेटीस आलं आहे. या गाण्यावरून प्रसिद्ध दिग्दर्शक, निर्माता महेश टिळेकर यांनी अमृता फडणवीसांवर टीका केली आहे.

               गायी म्हशीच्या हंबरण्याचा आवाज एकवेळ लोक सहन करतील पण हा आवाज सहन होत नाही. अमृत फडणवीस यांना खरंच गाता येतं का?, असा सवाल महेश टिळेकर यांनी केला आहे. आवाज ऐकून तिच्या आवाजाला अनेकांनी शब्दरुपी श्रद्धांजली वाहिली तरीही ही स्वयंघोषित गायिका मी पुन्हा गाईन मी पुन्हा गाईन म्हणत आपल्या गळ्याचा व्यायाम थांबवायचे नाव घेत नाही, अशी टीका महेश टिळेकर यांनी अमृता फडणवीसांवर केली आहे.

चांगला आवाज असूनही केवळ नाव नाही हाती भरपूर पैसा नाही म्हणून नवीन गायकांना कुणी मदतीचा हात देऊन संधी देणारा पाठीशी उभा राहत नाही. पण जिचा आवाज ऐकला की कानाचे पडदे फाटण्याची भीती निर्माण होते ,लाखो तरुणांच्या ह्रदयात धडकी भरते आणि गाणं हे दुसऱ्याला आनंद देण्याऐवजी दुःख देण्यासाठीच गायले जाते असा समजच होण्याची शक्यता निर्माण होते अशी एक आपल्याच विश्वात धुंद होऊन गाणारी विश्र्वगायिका लोकांना सातत्याने का छळत आहे?असेही ते म्हणाले.