मुंबई दि.२४ – शिवेसना आमदार प्रताप सरनाईक यांच्या घरी सक्तवसुली संचलनालयाने छापा टाकलाय. याशिवाय त्यांचे पुत्र पुर्वेश सरनाईक आणि विंहग सरनाईक यांच्या घरीदेखील ईडीचं पथक पोहोचलं होतं. तर ईडीने आता विहंग सरनाईक यांना ताब्यात घेतलं आहे.
विहंग सरनाईक यांना घेऊन ईडीचं पथक रवाना झालंय. विहंग सरनाईक यांना चौकशीसाठी मुंबईला नेण्यात येणार असल्याची माहिती आहे.प्रताप सरनाईक यांच्या घरासोबत त्यांच्या कार्यालयामध्ये देखील ईडीने धाड टाकली. यामध्ये ईडीकडून मुंबई तसंच ठाणे परिसरातील 10 ठिकाणी शोधमोहीम सुरु केली.
ईडीच्या पथकाकडून सकाळी 8 वाजता ही कारवाई करण्यात आली आहे. दरम्यान सध्या प्रताप सरनाईक देशाबाहेर गेले आहेत.
