इंदापूर दि.६ – राष्ट्रवादीचे आमदार आणि राज्याचे उपमुख्यमंत्री अजित पवार हे आपल्या मिश्कील भाषणासाठी प्रसिद्ध आहेत. बऱ्याचदा ते भाषणात असं काही बोलून जातात की, उपस्थितही अवाक् होतात. आता त्यांनी असंच एक वक्तव्य केल्यानं सभेत एकच हशा पिकला. ”हे बघा तुम्ही मला आता पाणी पिताना पाहिलं ना, एका झटक्यात बाटली रिचवली का नाही..? पाण्याची बरं का”, असं राज्याचे उपमुख्यमंत्री अजित पवार म्हणाल्यानं सभागृहात हास्यकल्लोळ झाला.
राज्याचे उपमुख्यमंत्री अजित पवार विधानसभा निवडणुकीनंतर प्रथमचं इंदापूर तालुक्याच्या दौऱ्यावर आहेत. अजित पवार यांच्या हस्ते पुणे जिल्हा मध्यवर्ती बँकेच्या नूतन इमारतीचं उद्घाटन करण्यात आलं आहे. त्यानंतर उपस्थितांना संबोधित करताना ते बोलत होते. अजित पवारांनी यावेळी बोलताना महाविकास आघाडी सरकार, कोरोना, इंदापूर, जीएसटी सारख्या मुद्द्यांवरही भाष्य केलंय. भरणे मामा मंत्री झाले जॅकेट कधी घातलं का..? मी कधी घालतो का..? असा टोला माजी मंत्री भाजप नेते हर्षवर्धन पाटील यांना अजित पवारांनी यावेळी लगावला.
