केज तालुक्यातील एका गावातील दोन सख्ख्या बहिणी या दि.१२ फेब्रुवारी रोजी मॉर्निंग वॉकला जात आहोत; असे सांगून घरातून निघून गेल्या होत्या. त्या पैकी एकीचे वय २१ तर दुसरीचे १८ वर्ष आहे. त्या लवकर घरी परत न आल्यामुळे त्यांच्या आई वडिलांनी नातेवाईक व इतरांकडे चौकशी केली परंतु त्या मिळून आल्या नाहीत. मोठ्या मुलीची उंची ५ फूट ६ इंच असून रंग गोरा, मध्यम बांधा, अंगात पांढऱ्या रंगाचा नाईट ड्रेस व पायात रनिंग शूज आहेत. तर लहान मुलीची उंची ४ फूट ६ इंच, रंग गोरा, मध्यम बांधा, अंगात लाल रंगाचा नाईट ड्रेस व पायात रनिग शूज आहेत. या मुली बेपत्ता असल्याची फिर्याद त्यांच्या वडिलांनी केज पोलीस स्टेशनला दिली असून पोलीस निरीक्षक प्रदीप त्रिभुवन यांच्या मार्गदर्शनाखाली चिंचोलीमाळी बिटचे पोलीस नाईक अमोल गायकवाड हे पुढील तपास करीत आहेत. या दोघी बहिणी कुणाला आढळून आल्या किंवा त्यांच्या बाबत काही माहिती मिळाली तर नजिकच्या पोलीस स्टेशनला किंवा केज पोलीस स्टेशनला संपर्क साधण्याचे आवाहन करण्यात आले आहे.
