केज तालुक्यातील पिंपळगाव येथील सुरेश उर्फ तायडया शिवराम शिंदे याच्या विरुद्ध केज पोलीस स्टेशनला संघटित चोरी व विविध गंभीर गुन्हे दाखल होते. परंतु सुरेश उर्फ तायडया गेल्या अनेक दिवसांपासून तो पोलिसांना चकवा देत होता. दरम्यान दि. ८ मार्च रोजी सुरेश उर्फ तायडया हा केज येथे आला असल्याची माहिती गुन्हे तपास पथकाला एका गुप्त खबऱ्या मार्फत मिळाली. त्या नुसार केज पोलीस स्टेशन पोलीस निरीक्षक प्रदीप त्रिभुवन यांच्या मार्गदर्शनाखाली दिलीप गित्ते व त्यांचे सहकारी बाळासाहेब अहंकारे, महादेव बहिरवाल यांनी झडप घालून त्याला ताब्यात घेतले.
दरम्यान केज पोलिसांचे गुन्हे तपास पथक स्थापन झाल्या पासून फरारी व सराईत गुन्हेगारांचे धाबे दणाणले आहेत.
