केज मध्ये शासनाचे जे लसीकरण केंद्र आहे ते शहरापासून जवळपास २.५० की मी अंतरावर असलेल्या उपजिल्हा रुग्णालयात आहे. त्यामुळे गोरगरीब व सर्वसामान्य लोकांना तिथे जाणे सहज शक्य नाही. अनेक अडचणींचा सामना करून त्या ठिकाणी पोहचावे लागते. त्यामुळे शहरात एक लसीकरण केंद्र सुरू करावे जेणे करून शहरातील सर्वसामान्य व गोरगरीब नागरिकांची सोय होईल. अशी मागणी केज तालुका काँग्रेसचे अध्यक्ष बाळासाहेब ठोंबरे व पशुपतीनाथ दांगट यांनी जिल्हा शल्यचिकित्सक यांना पत्राद्वारे केली आहे. तसेच याबाबत जिल्हाधिकारी यांना देखील या संदर्भात पत्र पाठवण्यात येणार असल्याचेही ठोंबरे यांनी सांगितले.
