केजच्या उपजिल्हा रुग्णालयात आतापर्यंत 5470 नाकरिकांचे लसीकरण करण्यात आले असून यामध्ये 701 लोकांना दुसराही डोस देण्यात आला आहे. मात्र लसीच्या तुटवड्यामुळे लसीकरण बंद झाले आहे.
त्यामुळे शनिवार आणि रविवार या दोन दिवशी लसीकरण कार्यक्रम बंद करण्यात आला असून नागरिकांनी या दोन दिवसांत लसीकरणासाठी येऊ नये असे आवाहन डॉ. संजय राऊत यांनी केले असून लवकरात लवकर लसीचा साठा उपलब्ध करण्यात येणार असल्याची माहितीही राऊत यांनी दिली आहे.
दरम्यान जास्तीतजास्त नागरिकांनी लसीकरण करून घ्यावे यासाठी मोठ्या प्रमाणावर जनजागृती करण्यात येत आहे. मात्र अनेक ठिकाणी लसीच्या तुटवड्यामुळे लसीकरणास अडथळे निर्माण होत आहेत.
