मारहाण तसेच चोरी प्रकरणी केज पोलीसात दोन वेगवेगळे गुन्हे दाखल…….!

केज दि.१ – घरासमोर मुरूम टाकू नका, पावसाचे पाणी घरात घुसेल असे म्हणाल्यावरून तरुणास दगडाने व लाथाबुक्याने बेदम मारहाण केल्याची घटना केज तालुक्यातील लव्हुरी येथे घडली. याप्रकरणी केज पोलिसात सहा जणांविरुद्ध गुन्हा दाखल झाला आहे.

                 लव्हुरी येथील विष्णू दिगांबर चाळक ( वय ३० ) हा तरुणास ३१ मे रोजी रात्री नऊ वाजता घरासमोर मुरूम मुरूम टाकू नका, पावसाचे पाणी घरात घुसेल असे म्हणाल्यावरून कैलास सुरेश चाळक, सुरेश गोविंद चाळक, राजेश भास्कर चाळक, श्रीराम अशोक चाळक, सर्जेराव लक्ष्मण चाळक, राहुल सर्जेराव चाळक यांनी शिवीगाळ करून दगडाने व लाथाबुक्याने बेदम मारहाण करून मुक्कामार दिला. त्याच्या नातेवाईकांना ही मारहाण करून जीवे मारण्याची धमकी दिली. विष्णू चाळक यांच्या फिर्यादीवरून कैलास चाळक, सुरेश चाळक, राजेश चाळक, श्रीराम चाळक, सर्जेराव चाळक, राहुल चाळक या सहा जणांविरुद्ध केज पोलिसात गुन्हा दाखल करण्यात आला आहे. जमादार बाळकृष्ण मुंडे हे पुढील तपास करत आहेत.