बीड दि.2 – जिल्हयातील कोव्हीड- 19 रुग्ण संख्या मागील काही दिवसांपासून कमी होत असतांना दिसत आहे. त्या अनुषंगाने 01 जून 2021 पासुन लॉकडाऊन शिथिल करण्यात आले आहे परंतु, यामध्ये लोक नियम पाळताना दिसून येत नाहीत व त्यामुळे गदी वाढून रुग्ण संख्येत भर पडण्याची शक्यता निर्माण झालेली आहे
लॉकडाऊन शिथील केल्यानंतर विनाकारण लोक रस्त्यावर व शासकीय कार्यालयात दिसून येतात ही गंभीर बाब आहे. सद्यस्थितीत कोव्हीड रुग्ण संख्या जरी कमी असली तरी गर्दी केल्यास अथवा कोव्हीडचे अनुषंगाने घालून दिलेल्या नियमांचे पालन न केल्यास पुन्हा कोव्हीडचा प्रार्दुभाव वाढू शकतो. त्यामुळे पुन्हा कडक लॉकडाऊन लावण्याची वेळ येऊ शकते किंवा कडक लॉकडाऊन केला जाईल. तर बेशीस्त वागणारे लोक / नागरीकांच्या वागणुकीचा परिणाम सर्व समाजास त्रासदायक होऊ शकतो. सर्व लोकांनी सामाजिक जबाबदारीचे भान ठेवावे व कोव्हीडचे नियम पाळुन दिनांक 15 जून पर्यंत शासनास सहकार्य करावे. एकाचवेळी दुकानांमध्ये मोठ्या प्रमाणात गर्दी करु नये, व सामाजिक अंतर ठेवणे तसेच मास्क घालणे जास्त गर्दीमध्ये जाणे टाळणे इत्यादी बाबतच्या नियमांचे काटेकोरपणे पालन करण्यात यावे.
दरम्यान यापुढे काविड 19 विषयक नियमांचे उल्लंघन करणाऱ्यांवर नियमानुसार गुन्हा नोंद करण्यात येईल याची नोंद घ्यावी. तसेच व्यापाऱ्यांनी दुसऱ्या व्यावसायीकांकडे लक्ष वेधण्याऐवजी आपण स्वतः सामाजीक जबाबदारीचे भान ठेऊन विनापरवानगी दुकाने उघडु नयेत व उघडल्यास याची गंभीर दखल घेण्यात येईल व नियमानुसार कारवाई करण्यात येईल. कोव्हीड 19 रुग्ण संख्या आटोक्यात आणण्यासाठी जिल्हयातील नागरीकांनी प्रत्येक ठिकाणी सामाजीक अंतर ठेवावे व शिस्तीचे पालन करण्याचे आवाहन जिल्हाधिकारी रविंद्र जगताप यांनी केले आहे.
