पैशाचे आमिष दाखवून महिलेचा विनयभंग, पीडितेसह पतीला मारहाण, तर अन्य एका घटनेत भावाने केली भाऊ भावजयीस मारहाण……! 

         लातूर जिल्ह्यातील पीडित २२ वर्षीय महिला व तिचा पती हे दोघे केज पोलीस ठाण्याच्या हद्दीतील एका गावात हॉटेलवर कामाला आहेत. पीडित महिला ही २० जून रोजी सायंकाळी सहा वाजेच्या सुमारास हॉटेलवर काम करीत असताना आरोपी विक्रम सांगळे ( रा. सांगळे वस्ती, शिरुरघाट ता. केज ) याने पीडित महिलेजवळ येऊन तुझा नवरा गरीब आहे, मी तुला पैसे पुरवितो असे म्हणत पीडितेच्या हाताला धरून विनयभंग केला. पीडितेने आरडाओरडा केल्याने तिचा पती आला असता त्या दोघांना शिवीगाळ करीत लाथाबुक्याने मारहाण केली. जीवे मारण्याची धमकी देऊन निघून गेला. अशी फिर्याद पीडित महिलेने दिल्यावरून आरोपी विक्रम सांगळे याच्याविरुध्द केज पोलिसात विनयभंगाचा गुन्हा दाखल करण्यात आला आहे. पोलीस निरीक्षक प्रदीप त्रिभुवन यांच्या मार्गदर्शनाखाली पोलीस नाईक रुक्मिण पाचपिंडे या पुढील तपास करत आहेत.