मूल होत नसल्याच्या कारणावरून विवाहितेस मारहाण करून माहेरी सोडले,तर अन्य एका घटनेत कुऱ्हाडीने शेतकऱ्याचे डोके फोडले……! 

          बोरगाव ( ता. अंबाजोगाई ) हे माहेर असलेल्या प्रतिक्षा अभिजित काकडे ( वय २१ ) हिचा ७ जुलै २०१९ रोजी सुगाव ( ता. जि. उस्मानाबाद ) येथील अभिजित बन्सी काकडे यांच्या बरोबर विवाह झाला होता. धायरी वडगाव ( जि. पुणे ) कामानिमित्त हे दोघे पतिपत्नी राहत होते. लग्नानंतर पाच महिन्याने सासु काशीबाई काकडे, सासरे बन्सी काकडे, जाऊ कल्पना काकडे, पती अभिजीत काकडे, आजोबा दतु सरवदे, शिला बनसोडे, दिर क्षितीज काकडे यांनी काही ही कारण नसताना टोचून बोलत तुला स्वयपाक निट करता येत नाही. तुला मुलबाळ होत नाही असे म्हणत दुसऱ्या लग्नाला परवानगी दे असे सतत बोलून तुझ्या पतीचे बाहेरच्या मुलीशी अनैतीक संबंध आहे. तु इथे राहू नकोस असे म्हणत व तूला मूल होण्यासाठी दवाखान्यात दाखविण्यासाठी होणाऱ्या खर्चासाठी पैसे आण नसता तु इथे राहु नको असे म्हणत बेदम मारहाण करून प्रतिक्षा काकडे हिस माहेरी आणून सोडले. त्यानंतर तिला नांदविण्यास नकार दिल्याची फिर्याद प्रतीक्षा काकडे या विवाहित महिलेने दिल्यावरून वरील पती, सासू, सासरे यांच्यासह आठ जणांविरुद्ध युसुफवडगाव पोलिसात गुन्हा दाखल झाला आहे. जमादार भागवत कांदे हे पुढील तपास करत आहेत.