केज दि.03 – कोरोनामुळे अंतर्गत मूल्यमापणावर आधारित जाहीर करण्यात आलेल्या बारावीच्या निकाल रेकॉर्डब्रेक लागला असून केज तालुक्यातील 32 महाविद्यालयाचा म्हणजेच तालुक्याचा निकाल 100 टक्के लागला आहे.
केज तालुक्यातील एकूण 32 महाविद्यालयातुन 4180 विद्यार्थ्यांनी फॉर्म भरले होते त्यामध्ये सर्वच्या सर्व विद्यार्थी परीक्षेला प्रविष्ट झाले होते. त्यामध्ये विशेष प्राविण्यात 3653, प्रथम श्रेणीत 504, द्वितीय श्रेणीत 03 असे एकूण 4180 विद्यार्थी उत्तीर्ण झाले आहेत. यावर्षी जाहीर करण्यात आलेला निकाल रेकॉर्ड ब्रेक असून सर्वच्या सर्व विद्यार्थी उत्तीर्ण झाले आहेत.
तालुक्यातील सारणी (आ.) येथील पुरुषोत्तमदादा सोनवणे उच्च माध्यमिक विद्यालयाचा निकालही 100 टक्के लागला असून विज्ञान शाखेत 192 विद्यार्थी प्रविष्ट झाले होते ते सर्व विद्यार्थी विशेष प्राविण्यात तर कला शाखेत 95 विद्यार्थी प्रविष्ट झाले होते त्यापैकी 92 विद्यार्थी विशेष प्राविण्यात तर 3 विद्यार्थी प्रथम श्रेणीत उत्तीर्ण झाले आहेत.
संस्थेचे सचिव राहुल सोनवणे, मुख्याध्यापक पी.एच.लोमटे यांच्यासह सर्व कर्मचारी वृंदानी उत्तीर्ण विद्यार्थ्यांचे अभिनंदन करून पुढील शिक्षणासाठी शुभेच्छा दिल्या आहेत.
