बनकारंजा येथील संतोष छत्रभुज थोरात ( वय २८ ) याने रविवारी सकाळी ९.३० वाजेच्या पूर्वी घरी कोणी नसताना घराच्या स्लॅबच्या हुकाला दोरीने गळफास घेऊन आत्महत्या केली. त्याने आत्महत्या का केली ? याचे कारण स्पष्ट झाले नाही. या घटनेची माहिती मिळताच युसुफवडगाव पोलीस ठाण्याचे सहाय्यक पोलीस निरीक्षक विजय आटोळे, पोलीस नाईक महादेव चाटे, पोलीस नाईक संपत शेंडगे यांनी घटनास्थळी भेट देऊन मृतदेह उत्तरीय तपासणीसाठी पाठवून दिला. या घटनेची युसुफवडगाव पोलिसात अकस्मात मृत्यूची नोंद करण्यात आली आहे.
