‘फायनल तिकीट’ लघुपटास इंडियन शॉर्ट सिनेमा फिल्म फेस्टिव्हल मध्ये सर्वोत्कृष्ट सामाजिक लघुपटाचा सन्मान……!
परळी दि.12 – इंडियन शॉर्ट सिनेमा फिल्म फेस्टिव्हल 2021 या राष्ट्रीय फिल्म फेस्टिव्हल मध्ये रानबा गायकवाड लिखित आणि प्रा.सिद्धार्थ तायडे दिग्दर्शित
“फायनल तिकीट” लघुपटास इंडियन शॉर्ट सिनेमा फिल्म फेस्टिव्हल मध्ये “सर्वोत्कृष्ट सामाजिक लघुपट सन्मान प्राप्त झाला आहे. या लघुपटाची निर्मिती-दिग्दर्शन प्रा. सिद्धार्थ तायडे,
पटकथा-संवाद रानबा गायकवाड,
छाया-संकलन मनोज आलदे, यांनी केले आहे. लघुपटात निवडणुकीतील जातीय व्यवस्थेवर भाष्य करण्यात आले आहे.
लघुपटात प्रसिद्ध कलावंत प्रदीप भोकरे, शेख गणी, शिवकुमार लुले, नागनाथ बडे,देविदास बोकन,बालाजी कांबळे,
कपिल चिंडालिया,गोविंद मुंडे, सिद्धेश्वर इंगोले,विकास वाघमारे, विद्याधर सिरसाट, सिद्धांत लांडगे, अनंत सोळंके,सागर चिंडालिया ,चंदा चांदणे परळीकर आदींनी भूमिका साकारल्या आहेत.हा पुरस्कार स्मृतीशेष शिवकुमार लुले आणि कालकथीत देविदास(बंडू) बोकन यांना आदरांजली स्वरूप अर्पण करीत आहोत अशी भावना दिग्दर्शक प्रा. सिद्धार्थ तायडे यांनी व्यक्त केल.तर यापूर्वी रानबा गायकवाड लिखीत व प्रा. सिध्दार्थ तायडे दिग्दर्शित पाण्याखालचं पाणी या शॉर्ट फिल्मला गोवा फिल्म फेस्टिव्हल तसेच मांईड इट या फिल्म्ला नॅशनल फिल्म डिव्हिजन ऑफ इंडियाचा पुरस्कार मिळालेला आहे.या सन्माना बद्दल सर्व स्तरांतून टीम फायनल तिकीटचे स्वागत व अभिनंदन होत आहे.
