बीड दि.25 – जिल्ह्यातील सिरसाळा येथील मोहा रोड परिसरात खळबळजनक घटना शनिवारी (दि.२५) समोर आली आहे.पत्नी आणि दोन वर्षाच्या मुलीची तीक्ष्ण हत्याराने हत्या करून नंतर पतीने गळफास घेतल्याचे समोर आले आहे. याप्रकरणाचा तपास पोलिसांकडून सुरु असून या घटनेमागचे कारण अद्याप समोर आले नाही.अल्लाबक्ष शेख असे त्या मृत कुटुंबप्रमुखाचे नाव आहे. प्राथमिक माहितीनुसार अल्लाबक्षने शुक्रवारी रात्री पत्नी आणि दोन वर्षाच्या मुलीची तीक्ष्ण हत्याराने गळ्यावर वार करून हत्या केली आणि त्यानंतर स्वतःही गळफास घेतला असल्याचा संशय व्यक्त करण्यात येत आहे. घटनेची माहिती मिळताच सहाय्यक निरीक्षक प्रदीप एकशिंगे,उपनिरीक्षक महेश विघ्ने, शेळके, मिसाळ, पोना. अंकुश मेंढके, अर्शद सय्यद, अक्षय देशमुख व कर्मचाऱ्यांनी घटनास्थळी धाव घेतली.घटनास्थळाचा पंचनामा करून मृतदेह उत्तरीय तपासणीसाठी अंबाजोगाई रुग्णालयात हलविण्यात आले आहेत. पोलिस तपास सुरू असून त्यानंतरच या प्रकरणाचा उलगडा होऊ शकणार आहे.
