नापिकीला कंटाळून केज तालुक्यात शेतकऱ्याची आत्महत्या, तर अन्य एका घटनेत महिलेचा विनयभंग……..! 

 केज दि.४ – शेत नांगरणी करण्यास विरोध करून एका २६ वर्षीय महिलेचा विनयभंग करून आरोपीतांनी १५ हजार रुपये किंमतीचे मंगळसूत्र तोडून घेतले. पीडितेच्या पतीला ही मारहाण करून खिशातील १२ हजार रुपये काढून घेतल्याची घटना केज ठाण्याच्या हद्दीत घडली असून याप्रकरणी सहा जणांविरुद्ध गुन्हा दाखल झाला आहे.

     पीडित महिला ही २७ एप्रिल रोजी सायंकाळी पाच वाजेच्या सुमारास तिच्या पतीचा शेतीचा वाद न्यायालयात सुरू असलेल्या जमिनीत नांगरणी करून घेत होती. हे पाहून मस्साजोग येथील आरोपी भगवान मेसु सोनवणे, अशोक भगवान सोनवणे, अमरदीप भगवान सोनवणे व इतर तीन अनोळखीने शेतीशी तुमचा काहीही संबंध नसून शेत नांगरू नका असे म्हणत नांगरणी करणाऱ्यांना लाथाबुक्याने मारहाण केली. तर अशोक सोनवणे याने पीडितेच्या पतीच्या खिशातील १२ हजार रुपये काढून घेतले. पीडितेच्या हाताला वाईट हेतूने धरून ओढत विनयभंग करून १५ हजार रुपये किंमतीचे मंगळसुत्र काढून घेतले. जीवे मारण्याच्या धमक्या दिल्या. अशी फिर्याद पीडित महिलेने दिल्यावरून भगवान सोनवणे, अशोक सोनवणे, अमरदीप सोनवणे यांच्यासह इतर अनोळखी तिघांविरुद्ध केज पोलिसात गुन्हा दाखल करण्यात आला आहे. पोलीस निरीक्षक प्रदीप त्रिभुवन हे पुढील तपास करीत आहेत.