ढाकेफळ येथील सतीश भुजंगराव थोरात ( वय ४० ) यांनी १ नोव्हेंबर रोजी दुपारी २ वाजता त्यांचे शेजारी शेतकरी श्रीधर शाहुराव थोरात यांना माझ्या शेतातील तीन काकऱ्या का पेरल्या अशी विचारणा केली असता श्रीधर थोरात, शाहुराव थोरात, भगवान थोरात या तिघा बापलेकांनी शिवीगाळ करीत दगडाने डोक्यात मारून डोके फोडले. तर लोखंडी गजाने व लाथाबुक्यांनी मारहाण करीत मुक्कामार दिला. अशी फिर्याद सतीश थोरात यांनी दिल्यावरून वरील तिघा बापलेकांविरुद्ध गुन्हा दाखल झाला आहे.
दुसऱ्या गटाचे शाहुराव भाऊराव थोरात ( वय ७५ ) हे १ नोव्हेंबर रोजी दुपारी २ वाजता शेतात पेरणी करीत असताना त्यांचे शेजारी शेतकरी सतिष भुजंग थोरात, अशोक भुजंग थोरात, भुजंग भाऊराव थोरात, बाबासाहेब भुजंग थोरात या चौघा बापलेकांनी शिवीगाळ करीत त्यांना दगडाने पायावर व पाठीत मारहाण केली. तर त्यांचा मुलगा श्रीधर थोरात हा भांडण सोडवण्यास आला असता त्याला अशोक थोरात व बाबासाहेब थोरात यांनी अडवुन त्याच्या डोक्यात दगड मारून डोके फोडले. लाथाबुक्या ब चापटाने मारहाण करुन जिवे मारण्याची धमकी दिली. अशी फिर्याद शाहुराव थोरात यांनी दिल्यावरून वरील चौघा बापलेकांविरुद्ध युसुफवडगाव पोलिसात गुन्हा दाखल झाला आहे. पोलीस नाईक संपत शेंडगे व डोंगरे हे तपास करताहेत.
