बीड दि.२७ – अप्पे व टिप्परची समोरासमोर धडक होवून भीषण अपघात झाला. या अपघातात पाच जण गंभीर जखमी झाल्याची माहिती समोर येत आहे. सदरील अपघात हा धारूर तालुक्यातील थेटेगव्हाण जवळ झाला असून जखमी हे तालुक्यातील अंबेवडगाव, गावंदरा येथील असल्याचे समजते. जखमींना धारूर येथील ग्रामीण रुग्णालयात प्राथमिक उपचार करुन अंबाजोगाई येथे हलवण्यात आले आहे.
सदरील अपघातात सुभाष बडे, रा.गांवदरा (वय 35), हौसाबाई घुले, रा. आंबेवडगाव (वय 80), भागवत घुले, रा.अंबेवडगाव (वय 60), संगिता रामा घोळवे, रा. अंबेवडगाव (वय 40), भागवत लक्ष्मण भांगे, रा. गांवदरा (वय 38), गवळण तिडके, रा. गांवदरा (85) हे जखमी झाले आहेत.
