बीड दि.16 – तेलगाव जवळ बीड परळी महामार्गावर परळीकडुन भरधाव वेगात येणाऱ्या स्वीप्ट डिझायर गाडीची बाभळीच्या झाडाला जोरात धडक बसुन भिषण अपघात झाला. या अपघातात दोन जण जागीच ठार तर एक जण गंभीर जखमी झाल्याची दुर्दैवी घटना रविवारी दुपारी तेलगाव येथे घडली.
नांदेड जिल्ह्यातील भोकर येथील तीन तरूण रविवारी एम. एच. 13 सीके 0441 या स्वीप्ट डिझायर गाडीने भोकर येथुन तेलगाव मार्गे बीडला जात असताना तेलगाव येथे भिषण अपघात झाला. तेलगाव येथील परळी रोडवर असलेल्या अमर बिअरबार जवळ सदर गाडीच्या चालकाचे स्टेरिंगवरील नियंत्रण सुटल्याने गाडी रोडखाली खड्यात असलेल्या बाभळीच्या झाडाला जाऊन भरधाव धडकली.
दरम्यान, अपघातात चालक व चालकाच्या बाजूच्या सिटवर बसलेला तरूण जागीच ठार झाले. तर मागच्या सिटवर बसलेला तरूण समोरच्या व मागच्या सिटमध्ये अडकला. मयत व जखमी नांदेड जिल्ह्यातील भोकरचे असुन, नेमके कुणाचे नाव काय आहे याची ओळख पटलेली नाही.
