आदर्श पत्रकार समितीचे पुरस्कार जाहीर, जेष्ठ संपादक सर्वोत्तम गावरस्कर यांना जीवन गौरव पुरस्कार जाहीर……!

केज दि.१६ – पत्रकारिता क्षेत्रातील नामवंतांना त्यांच्या कार्याची दखल घेऊन मूकनायक दिना निमित आदर्श पत्रकार संघ केजच्या वतीने देण्यात येणाऱ्या पुरस्कारांची घोषणा करण्यात आली. यात जेष्ठ संपादक सर्वोत्तम (अण्णा) गावरस्कर, सुशील कुलकर्णी, परमेश्वर गित्ते, अनिल वाघमारे, दत्ता देशमुख, अविनाश मुडेगावकर आणि सुशील देशमुख यांचा समावेश आहे.

             आदर्श पत्रकार संघाचे अध्यक्ष अशोक सोनवणे यांच्या अध्यक्षतेखाली आणि जेष्ठ पत्रकार शिवदास मुंडे, प्रा. हनुमंत भोसले, विजयराज आरकडे, धनंजय कुलकर्णी, धनंजय देशमुख, सुहास चिद्रवार, गौतम बचुटे, धनंजय घोळवे, महादेव काळे, प्रकाश मुंडे यांच्या उपस्थितीत बैठक संपन्न झाली. यावेळी जेष्ठ संपादक सर्वोत्तम गावरस्कर यांना जिवनगौरव पुरस्कार जाहीर करण्यात आला. जेष्ठ पत्रकार सुशील कुलकर्णी यांना स्व. सुनील देशमुख यांच्या स्मरणार्थ दिला जाणारा निर्भीड पुरस्कार, संपादक परमेश्वर गित्ते यांना आदर्श संपादक पुरस्कार, संपादक अनिल वाघमारे यांना आदर्श पोर्टलचा पुरस्कार तर पत्रकार दत्ता देशमुख, अविनाश मुडेगावकर आणि सुशील देशमुख यांना देखील पुरस्कार जाहीर करण्यात आले आहेत.

                  दरम्यान, मूकनायक दिनाचे औचित्य साधून लवकरच मान्यवरांच्या हस्ते पुरस्कार सोहळा संपन्न होणार आहे. सर्व पुरस्कार प्राप्त सत्कारमूर्तींचे अभिनंदन होत आहे.