केज दि.७ – केज पासून जवळच असलेल्या केज अंबाजोगाई रोडवरील कुंबेफळ जवळ दोन कारच्या झालेल्या अपघातात सहा जण जखमी झाले आहेत.
केज अंबाजोगाई रोडवर कुंबेफळ जवळ दि.7 रोजी रात्री 12 च्या सुमारास दोन कार चा अपघात झाला आहे. सदरील अपघातात नाशिक व लातूर जिल्ह्यातील दिगंबर शंकर सोनवणे, तानाजी सुखदेव सानके,हेमलता दिगंबर सोनवणे,नितीन प्रभाकर बोडके, बस्तीराम तुकाराम कराड, बाळू केरू दिघोले, ज्ञानोबा विनायक नागरगोजे, दयानंद दिगंबर बिरादार इत्यादी जखमी झाले आहेत. सदरील जखमींना केजच्या उपजिल्हा रुग्णालयात उपचार्थ दाखल करण्यात आले आहे. सदरील अपघातात एक गाडी रस्त्यावर पूर्णपणे उलटी झाली आहे तर दुसरी गाडी रोडच्या कडेला खड्ड्यात जाऊन पडली आहे.सदरील अपघात नेमका कसा झाला हे अद्याप स्पष्ट झाले नाही.
दरम्यान त्याच परिसरात मागच्या पंधरा दिवसांपूर्वी टेम्पो आणि अप्पे च्या अपघातात एका चालकासह दोन बैलांचा जीव गेला होता.
